Ryan Reynolds dhe Will Ferrell në një film krishtlindjesh

Ka shumë përshtatje të tregimit klasik të Charles Dickens, “A Christmas Carol”, por kjo s’i ka ndalur producentët e mëdhenj që ta bëjnë projektin e njëjtë, madje në stil muzikor, ndërsa në versionin e ri në rolet kryesore do jenë aktorët e mirënjohur Will Ferrell dhe Ryan Reynolds. Ende s’e dimë se cilët role do të luajnë, por sigurisht do të ishte kënaqësi ta shohim Ferrellin si Scrooge, të cilin e përndjekë fantazma në karakterin e Ryan Reynolds. Ferrell dhe Reynolds do ta bëjnë bashkë edhe produksionin e filmit, kurse skenaristët e filmit Daddy’s Homme, Sean Anders dhe John Morris, po punojnë në skenar, ndërsa Morris do të jetë për herë të parë regjisor në karrierën e tij. Ky projekt ngjalli aq shumë interesim, saqë në luftën për të drejtat ishin, Apple dhe Netflix. Apple arriti të ofrojë një shumë më të madhe. Reynolds do marri 35 milionë dollarë për këtë film, kurse Ferrell 30 milionë dollarë. Netflixi humbi, sepse ofroi disa milionë më pak.

Ende s’e dimë pjesën tjetër të kastit ose datën e daljes, sepse projekti është në fazë shumë të hershme të zhvillimit, gjithsesi presim ta shohim filmin në kohën e Krishtlindjes vitin e ardhshëm ose brenda dy viteve.